ek nadi ki dhaar ka le kar sahaara aa gae

ik nadī kī dhaar kā le kar sahārā aa ga.e

saarī duniyā ghuum k tujh tak dobāra aa ga.e

kyoñ achānak niiñd in āñkhoñ se ġhā.eb ho ga.ī

aap ḳhvāboñ meñ kise de kar ishāra aa ga.e

dostī meñ khel matlab kā nahīñ khelā gayā

so isī rishte meñ ham le kar ḳhasāra aa ga.e

vo hamārā aks thā ham se judā hotā kahāñ

karke ghar k ā.inoñ se ham kinārā aa ga.e

us ne ik ik lafz se saarā badan chhalnī kiyā

soch kar ummīd kā hai dosh saarā aa ga.e

aur phir kyā hārne ko ishq meñ baaqī rahā

ḳhud ko jab pahlī dafa kar k tumhārā aa ga.e

ek nadi ki dhaar ka le kar sahaara aa gae

sari duniya ghum k tujh tak dobara aa gae

kyon achanak nind in aankhon se ghaeb ho gai

aap KHwabon mein kise de kar ishaara aa gae

dosti mein khel matlab ka nahin khela gaya

so isi rishte mein hum le kar KHasara aa gae

wo hamara aks tha hum se juda hota kahan

karke ghar k aainon se hum kinara aa gae

us ne ek ek lafz se sara badan chhalni kiya

soch kar ummid ka hai dosh sara aa gae

aur phir kya haarne ko ishq mein baqi raha

KHud ko jab pahli dafa kar k tumhaara aa gae