ek nae shahr-e-KHush-asar ki bimari hai
ik na.e shahr-e-ḳhush-āsār kī bīmārī hai
dasht meñ bhī dar-o-dīvār kī bīmārī hai
ek hī maut bhalā kise kare us kā ilaaj
zindagānī hai ki sau baar kī bīmārī hai
bas isī vaj.h se qaa.em hai mirī sehat-e-ishq
ye jo mujh ko tere dīdār kī bīmārī hai
log iqrār karāne pe tule haiñ ki mujhe
apne hī aap se inkār kī bīmārī hai
ye jo zaḳhmoñ kī tarah lafz mahak uThte haiñ
sirf ik sūrat-e-iz.hār kī bīmārī hai
ghar meñ rakhtā huuñ agar shor machātī hai bahut
merī tanhā.ī ko bāzār kī bīmārī hai
ek nae shahr-e-KHush-asar ki bimari hai
dasht mein bhi dar-o-diwar ki bimari hai
ek hi maut bhala kise kare us ka ilaj
zindagani hai ki sau bar ki bimari hai
bas isi wajh se qaem hai meri sehat-e-ishq
ye jo mujh ko tere didar ki bimari hai
log iqrar karane pe tule hain ki mujhe
apne hi aap se inkar ki bimari hai
ye jo zaKHmon ki tarah lafz mahak uThte hain
sirf ek surat-e-izhaar ki bimari hai
ghar mein rakhta hun agar shor machati hai bahut
meri tanhai ko bazar ki bimari hai
Source:
Wahima Vajood Ka (Pg. 45)
- Author: Salim Saleem
-
- Edition: 2nd
- Publisher: Rekhta Publications
- Year of Publication: 2022
Source:
Sabhi Rang Tumhare Nikle (Pg. 47)
- Author: Salim Saleem
-
- Edition: First
- Publisher: Rekhta Publications
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
