ek naqsh-e-KHayal ru-ba-ru hai
ik naqsh-e-ḳhayāl rū-ba-rū hai
jo kuchh hai ye kuchh nahīñ hai tū hai
har phuul ke saath ek kāñTā
har dost ke saath ik adū hai
dil hai to hazār tujh se achchhe
aisā hī to ik baḌā vo tū hai
dushman ke jigar kā ḳhaar maiñ huuñ
aur us ke gale kā haar tū hai
dāman jo hai parda-dār-e-vahshat
is meñ bhī ka.ī jagah rafū hai
maiñ aap hī aap ro rahā huuñ
kuchh aap hī aap guftugū hai
mahshar meñ kisī kā haa.e kahnā
ab aap ke haath aabrū hai
o ġhair ko aañkh dene vaale
'muztar' bhī nigāh-e-rū-ba-rū hai
ek naqsh-e-KHayal ru-ba-ru hai
jo kuchh hai ye kuchh nahin hai tu hai
har phul ke sath ek kanTa
har dost ke sath ek adu hai
dil hai to hazar tujh se achchhe
aisa hi to ek baDa wo tu hai
dushman ke jigar ka KHar main hun
aur us ke gale ka haar tu hai
daman jo hai parda-dar-e-wahshat
is mein bhi kai jagah rafu hai
main aap hi aap ro raha hun
kuchh aap hi aap guftugu hai
mahshar mein kisi ka hae kahna
ab aap ke hath aabru hai
o ghair ko aankh dene wale
'muztar' bhi nigah-e-ru-ba-ru hai
Source:
Khirman (Part-1) (Pg. 427)
- Author: Muztar Khairabadi
-
- Edition: 2015
- Publisher: Javed Akhtar
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
