ek nashtar-e-nazar ke talabgar hum bhi hain
Interesting Fact
September 1987
ik nashtar-e-nazar ke talabgār ham bhī haiñ
daatā ho tum ġhamoñ ke to ġham-ḳhvār ham bhī haiñ
hairāñ khaḌe hue unhīñ rāhoñ meñ haiñ hanūz
ai rahravān-e-kūcha-e-dil-dār ham bhī haiñ
dariyā samajh liyā jise niklā vahī sarāb
ik harf-e-tishnagī ke gunahgār ham bhī haiñ
muñh rāh-e-najd-e-shauq se moḌā nahīñ abhī
haañ jurm-e-ḳhastagī ke ḳhatāvār ham bhī haiñ
is baaġh meñ ki zāġh-o-zaġhan haiñ amīn-e-gul
ḳhāmosh dekhne ke sazā-vār ham bhī haiñ
ek nashtar-e-nazar ke talabgar hum bhi hain
data ho tum ghamon ke to gham-KHwar hum bhi hain
hairan khaDe hue unhin rahon mein hain hanuz
ai rahrawan-e-kucha-e-dil-dar hum bhi hain
dariya samajh liya jise nikla wahi sarab
ek harf-e-tishnagi ke gunahgar hum bhi hain
munh rah-e-najd-e-shauq se moDa nahin abhi
han jurm-e-KHastagi ke KHatawar hum bhi hain
is bagh mein ki zagh-o-zaghan hain amin-e-gul
KHamosh dekhne ke saza-war hum bhi hain
Source:
Aatish Zeer-e-paa (Pg. 134)
- Author: Sajidah Zaidi
-
- Edition: 1995
- Publisher: Sajidah Zaidi, Aligarah
- Year of Publication: 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
