ek parda-nashin ki aarzu hai
ik parda-nashīñ kī aarzū hai
dar-parda kahīñ kī aarzū hai
hai bhī to unhīñ kā dil ko armāñ
hai bhī to unhīñ kī aarzū hai
hotā nahīñ haañ se qaul puurā
ab mujh ko nahīñ ki aarzū hai
kho aa.e haiñ kū-e-yār meñ dil
is par bhī vahīñ kī aarzū hai
īmān kā ab ḳhudā nigahbāñ
ik dushman-e-dīñ kī aarzū hai
nikle bhī to terī justujū meñ
ye jān-e-hazīñ kī aarzū hai
añdherā machā huā hai dil meñ
kis māh-jabīñ kī aarzū hai
kyuuñ hashr kā qaul kar rahe ho
'muztar' ko yahīñ kī aarzū hai
ek parda-nashin ki aarzu hai
dar-parda kahin ki aarzu hai
hai bhi to unhin ka dil ko arman
hai bhi to unhin ki aarzu hai
hota nahin han se qaul pura
ab mujh ko nahin ki aarzu hai
kho aae hain ku-e-yar mein dil
is par bhi wahin ki aarzu hai
iman ka ab KHuda nigahban
ek dushman-e-din ki aarzu hai
nikle bhi to teri justuju mein
ye jaan-e-hazin ki aarzu hai
andhera macha hua hai dil mein
kis mah-jabin ki aarzu hai
kyun hashr ka qaul kar rahe ho
'muztar' ko yahin ki aarzu hai
Source:
Khirman (Part-1) (Pg. 157)
- Author: Muztar Khairabadi
-
- Edition: 2015
- Publisher: Javed Akhtar
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
