ek phul mere pas tha ek shama mere sath thi

ik phuul mere paas thā ik sham.a mere saath thī

bāhar ḳhizāñ kā zor thā andar añdherī raat thī

aise pareshāñ to na the TuuTe hue sanñāhaTe

jab ishq kī tere mire ġham par basar-auqāt thī

kuchh tum kaho tum ne kahāñ kaise guzāre roz-o-shab

apne na milne kā sabab to gardish-e-hālāt thī

ik ḳhāmushī thī tar-ba-tar dīvār-e-mizhgāñ se udhar

pahuñchā huā paiġhām thā barsī huī barsāt thī

sab phuul darvāzoñ meñ the sab rañg āvāzoñ meñ the

ik shahr dekhā thā kabhī us shahr kī kyā baat thī

ye haiñ na.e logoñ ke ghar sach hai ab un ko kyā ḳhabar

dil bhī kisī kā naam thā ġham bhī kisī kī zaat thī

ek phul mere pas tha ek shama mere sath thi

bahar KHizan ka zor tha andar andheri raat thi

aise pareshan to na the TuTe hue sannahaTe

jab ishq ki tere mere gham par basar-auqat thi

kuchh tum kaho tum ne kahan kaise guzare roz-o-shab

apne na milne ka sabab to gardish-e-haalat thi

ek KHamushi thi tar-ba-tar diwar-e-mizhgan se udhar

pahuncha hua paigham tha barsi hui barsat thi

sab phul darwazon mein the sab rang aawazon mein the

ek shahr dekha tha kabhi us shahr ki kya baat thi

ye hain nae logon ke ghar sach hai ab un ko kya KHabar

dil bhi kisi ka nam tha gham bhi kisi ki zat thi