ik qayāmat hai javānī ik qayāmat hai shabāb
har tabassum ek tūfāñ har nazar ik inqalāb
har taraf ek āh-o-zārī har taraf ek iztirāb
kitnī sauġhāteñ liye aayā hai daur-e-inqilāb
sāġhar-o-mīnā paTak de toḌ de chañg-o-rubāb
dekh sar par aa chukā hai āftāb-e-inqalāb
ishq ke dastūr duniyā se alag dastūr haiñ
is kī gumnāmī meñ shohrat is kī ḳhāmoshī javāb
ai mirī nazroñ kī jannat kyā tujhe ma.alūm hai
kis ke sadqe ho rahe haiñ āftab-o-māhtāb
maiñ to kahtā huuñ ḳhudā kā shukr karnā chāhiye
jaan de kar bhī jo ho jaa.e mohabbat kāmyāb
ai dil-e-ġham-āshnā ab to vo ham se chhuT ga.e
aur kyā is se ziyāda hogā koī inqalāb
un se bāteñ kar rahā huuñ vo khaḌe haiñ sāmne
jāgtā rahtā huuñ lekin dekhtā rahtā huuñ ḳhvāb
bandisheñ donoñ taraf pābandiyāñ donoñ taraf
ek pāband-e-mohabbat ek pāband-e-hijāb
mujh ko ai 'shārib' fishār-e-qabr kā kyā ḳhauf ho
maiñ ġhulām-e-shāh-e-yasrib maiñ ġhulām-e-bū-turāb
ek qayamat hai jawani ek qayamat hai shabab
har tabassum ek tufan har nazar ek inqalab
har taraf ek aah-o-zari har taraf ek iztirab
kitni saughaten liye aaya hai daur-e-inqilab
saghar-o-mina paTak de toD de chang-o-rubab
dekh sar par aa chuka hai aaftab-e-inqalab
ishq ke dastur duniya se alag dastur hain
is ki gumnami mein shohrat is ki KHamoshi jawab
ai meri nazron ki jannat kya tujhe malum hai
kis ke sadqe ho rahe hain aaftab-o-mahtab
main to kahta hun KHuda ka shukr karna chahiye
jaan de kar bhi jo ho jae mohabbat kaamyab
ai dil-e-gham-ashna ab to wo hum se chhuT gae
aur kya is se ziyaada hoga koi inqalab
un se baaten kar raha hun wo khaDe hain samne
jagta rahta hun lekin dekhta rahta hun KHwab
bandishen donon taraf pabandiyan donon taraf
ek paband-e-mohabbat ek paband-e-hijab
mujh ko ai 'shaarib' fishaar-e-qabr ka kya KHauf ho
main ghulam-e-shah-e-yasrib main ghulam-e-bu-turab
Source:
Firdaus-e-Nazar (Pg. 24)
-
Author:
Sultan Haider Khan
-
- Publisher: Urdu Acadami U.P
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.