ek qissa-e-parina dhundla sa hai aaina

ik qissa-e-pārīna dhuñdlā sā hai ā.īna

ganjīna-e-gauhar hai yādoñ se bharā siina

kyuuñ aañkh churāte haiñ milte haiñ jo mahfil meñ

ik vaqt meñ apne the ye hamdam-e-dairīna

bahtā huā paanī bhī tham jaa.e na jumbish se

chheḌo na koī naġhma ḳhāmosh hai sāzīna

ik kun kī sadāoñ meñ mad.hosh ġham-e-hastī

ham-raqs mah-o-anjum chhalke haiñ mai-o-mīnā

āñkhoñ meñ liye vahshat sāhil se ulajhte haiñ

tūfānoñ kī chāhat meñ marnā bhī hai ab jiinā

ik qissa-e-pārīna hai dhund ke raste meñ

tā-hadd-e-nazar dekhūñ taḳhlīq kā ā.īna

ek qissa-e-parina dhundla sa hai aaina

ganjina-e-gauhar hai yaadon se bhara sina

kyun aankh churaate hain milte hain jo mahfil mein

ek waqt mein apne the ye hamdam-e-dairina

bahta hua pani bhi tham jae na jumbish se

chheDo na koi naghma KHamosh hai sazina

ek kun ki sadaon mein madhosh gham-e-hasti

ham-raqs mah-o-anjum chhalke hain mai-o-mina

aankhon mein liye wahshat sahil se ulajhte hain

tufanon ki chahat mein marna bhi hai ab jina

ek qissa-e-parina hai dhund ke raste mein

ta-hadd-e-nazar dekhun taKHliq ka aaina