ek qurb jo qurbat ko rasai nahin deta

ik qurb jo qurbat ko rasā.ī nahīñ detā

ik fāsla ehsās-e-judā.ī nahīñ detā

ik tīrgī detī hai basārat ke qarīne

ik raushnī vo jis meñ sujhā.ī nahīñ detā

ik qaid hai āzādī-e-afkār bhī goyā

ik daam jo uḌne se rihā.ī nahīñ detā

ik āh-e-ḳhatā girya-ba-lab sub.h-e-azal se

ik dar hai jo tauba ko rasā.ī nahīñ detā

ik shauq baḌā.ī kā agar had se guzar jaa.e

phir ''maiñ'' ke sivā kuchh bhī dikhā.ī nahīñ detā

mat pūchhiye chālākiyāñ merī ki mirā aib

ab ahl-e-nazar ko bhī dikhā.ī nahīñ detā

ek qurb jo qurbat ko rasai nahin deta

ek fasla ehsas-e-judai nahin deta

ek tirgi deti hai basarat ke qarine

ek raushni wo jis mein sujhai nahin deta

ek qaid hai aazadi-e-afkar bhi goya

ek dam jo uDne se rihai nahin deta

ek aah-e-KHata girya-ba-lab subh-e-azal se

ek dar hai jo tauba ko rasai nahin deta

ek shauq baDai ka agar had se guzar jae

phir main ke siwa kuchh bhi dikhai nahin deta

mat puchhiye chaalakiyan meri ki mera aib

ab ahl-e-nazar ko bhi dikhai nahin deta