ek rang sa chhalka tha magar bas na aai

ik rañg sā chhalkā thā magar baas na aa.ī

vo mauj-e-guzishta bhī koī ḳhaas na aa.ī

is baat pe hujjat haiñ chahakte hue qarye

har shaḳhs ko jañgal kī fazā raas na aa.ī

ḳhuuñ ho ke agarche dil-e-sad-chāk bhī Tapkā

hāthoñ meñ va-lekin rag-e-ehsās na aa.ī

tab rañj khule dhuup gañvā dene ke ham par

in sīm-zada kunjoñ meñ jab ghaas na aa.ī

paanī bhī alag chhān ke rakkhā thā lahū se

lekin kisī pairā.e meñ ik pyaas na aa.ī

sau baar charāġhoñ ko muñDeroñ pe dharā hai

āñkhoñ ke jharokoñ meñ koī aas na aa.ī

ai bād-e-sabā mauj-e-pareshāñ na huā kar

tū duur kahāñ thī ki mire paas na aa.ī

ek rang sa chhalka tha magar bas na aai

wo mauj-e-guzishta bhi koi KHas na aai

is baat pe hujjat hain chahakte hue qarye

har shaKHs ko jangal ki faza ras na aai

KHun ho ke agarche dil-e-sad-chaak bhi Tapka

hathon mein wa-lekin rag-e-ehsas na aai

tab ranj khule dhup ganwa dene ke hum par

in sim-zada kunjon mein jab ghas na aai

pani bhi alag chhan ke rakkha tha lahu se

lekin kisi pairae mein ek pyas na aai

sau bar charaghon ko munDeron pe dhara hai

aankhon ke jharokon mein koi aas na aai

ai baad-e-saba mauj-e-pareshan na hua kar

tu dur kahan thi ki mere pas na aai