ek shagufta gulab jaisa tha

Hafeez Banarasi

ek shagufta gulab jaisa tha

Hafeez Banarasi

MORE BYHafeez Banarasi

    ik shagufta gulāb jaisā thā

    vo bahāroñ ke ḳhvāb jaisā thā

    paḌh liyā ham ne harf harf use

    us chehra kitāb kaisā thā

    duur se kuchh thā aur qarīb se kuchh

    har sahārā sarāb jaisā thā

    ham ġharīboñ ke vāste har roz

    ek roz-e-hisāb jaisā thā

    kis qadar jald uḌ gayā yaaro

    vaqt rañg-e-shabāb jaisā thā

    kaise guzrī hai umr kyā kahiye

    lamha lamha azaab jaisā thā

    zahr thā zindagī ke sāġhar meñ

    rañg rañg-e-sharāb jaisā thā

    kyā zamāna thā vo zamāna bhī

    har gunah jab savāb jaisā thā

    kaun gardāntā use qātil

    vo to izzat-ma.āb jaisā thā

    be-hijābī ke bāvajūd bhī kuchh

    is ke ruḳh par hijāb jaisā thā

    jab bhī chheḌā to ik fuġhāñ niklī

    dil shikasta rabāb jaisā thā

    is ke ruḳh par nazar Thahar na sakī

    vo 'hafīz' āftāb jaisā thā

    ek shagufta gulab jaisa tha

    wo bahaaron ke KHwab jaisa tha

    paDh liya hum ne harf harf use

    us ka chehra kitab kaisa tha

    dur se kuchh tha aur qarib se kuchh

    har sahaara sarab jaisa tha

    hum gharibon ke waste har roz

    ek roz-e-hisab jaisa tha

    kis qadar jald uD gaya yaro

    waqt rang-e-shabab jaisa tha

    kaise guzri hai umr kya kahiye

    lamha lamha azab jaisa tha

    zahr tha zindagi ke saghar mein

    rang rang-e-sharab jaisa tha

    kya zamana tha wo zamana bhi

    har gunah jab sawab jaisa tha

    kaun gardanta use qatil

    wo to izzat-maab jaisa tha

    be-hijabi ke bawajud bhi kuchh

    is ke ruKH par hijab jaisa tha

    jab bhi chheDa to ek fughan nikli

    dil shikasta rabab jaisa tha

    is ke ruKH par nazar Thahar na saki

    wo 'hafiz' aaftab jaisa tha

    Source :
    • Book : Safeer-e-shar-e-dil (Pg. 348)
    • Author : Hafeez Banarsi
    • Publication : Hafeez Banarsi (2007)
    • Edition : 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY