ek shahr tha KHarab jahan koi bhi na tha
ik shahr thā ḳharāb jahāñ koī bhī na thā
ham lauT aa.e ham sā vahāñ koī bhī na thā
lau kī tarah charāg kā qaidī nahīñ huuñ maiñ
achchhā huā ki apnā makāñ koī bhī na thā
dil par jamī thiiñ gard-e-safar kī ka.ī taheñ
kāġhaz pe uñgliyoñ kā nishāñ koī bhī na thā
vo mahfiloñ kī jaan hai duniyā ke vāste
mujh se vahāñ milā thā jahāñ koī bhī na thā
sannāTe aa.e darjoñ meñ jhāñkā chale ga.e
garmī kī chhuTTīyāñ thiiñ vahāñ koī bhī na thā
ek shahr tha KHarab jahan koi bhi na tha
hum lauT aae hum sa wahan koi bhi na tha
lau ki tarah charag ka qaidi nahin hun main
achchha hua ki apna makan koi bhi na tha
dil par jami thin gard-e-safar ki kai tahen
kaghaz pe ungliyon ka nishan koi bhi na tha
wo mahfilon ki jaan hai duniya ke waste
mujh se wahan mila tha jahan koi bhi na tha
sannaTe aae darjon mein jhanka chale gae
garmi ki chhuTTiyan thin wahan koi bhi na tha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
