ek shajar hai la-fana jis ki jaDen hain sanglaKH

ik shajar hai lā-fanā jis kī jaḌeñ haiñ sanglāḳh

jaḌ hai uupar aur hai nīche kī jānib jis kī shāḳh

barg jis ke diid haiñ mahram hai jis kā dīd-dāñ

hai sifat jis kā tanā jis se harī hai shāḳh shāḳh

jis kī shāḳhoñ ke shagūfe hiss-o-mahsūsāt haiñ

beḳh-e-āvezāñ kā hai dām-e-amal dāman farāḳh

jo shajar hai lā-makānī ġhair mutshakkil qadīm

qat' karnā lāzmī hai jis kī bekH-e-sanglāḳh

teġh se tajrīd ke le kaam ho fāriġh-nashīñ

asl meñ ho vasl haiñ sab far-e-ġhuncha barg-o-shāḳh

farz hai ye kar adā-e-farz be-bīm-o-rajā

dekh 'sāhir' sar-zamīn-e-ishq hai kyā sanglāḳh

ek shajar hai la-fana jis ki jaDen hain sanglaKH

jaD hai upar aur hai niche ki jaanib jis ki shaKH

barg jis ke did hain mahram hai jis ka did-dan

hai sifat jis ka tana jis se hari hai shaKH shaKH

jis ki shaKHon ke shagufe hiss-o-mahsusat hain

beKH-e-awezan ka hai dam-e-amal daman faraKH

jo shajar hai la-makani ghair mutshakkil qadim

qat' karna lazmi hai jis ki bekH-e-sanglaKH

tegh se tajrid ke le kaam ho farigh-nashin

asl mein ho wasl hain sab far-e-ghuncha barg-o-shaKH

farz hai ye kar ada-e-farz be-bim-o-raja

dekh 'sahir' sar-zamin-e-ishq hai kya sanglaKH