ik shaḳhs thā so ab vo bayābāñ-navard hai
is shahr meñ hamāre sivā kaun mard hai
chehra har ek madd-e-muqābil kā zard hai
ishq-e-nabard-pesha talabgār-e-mard hai
yak-jehtī-e-nigāh ko āvāz kaun de
har daftar-e-ḳhayāl yahāñ fard fard hai
is justujū kī dauḌ meñ ye bhed bhī khulā
rang-e-suḳhan talāsh-e-ma.ānī kī gard hai
ġhurfe se lamhe lamhe ke jhāñkegā asl rang
chehre pe ham sabhoñ ke agar aab zard hai
dast-e-suḳhan meñ tesha-e-bātil na dījiye
dushman agarche raah kā har sang-e-sard hai
is meñ harārtoñ kī na.ī ruuh phūñk do
ḳhvāhish kī laash ek zamāne se sard hai
ek shaKHs tha so ab wo bayaban-naward hai
is shahr mein hamare siwa kaun mard hai
chehra har ek madd-e-muqabil ka zard hai
ishq-e-nabard-pesha talabgar-e-mard hai
yak-jehti-e-nigah ko aawaz kaun de
har daftar-e-KHayal yahan fard fard hai
is justuju ki dauD mein ye bhed bhi khula
rang-e-suKHan talash-e-maani ki gard hai
ghurfe se lamhe lamhe ke jhankega asl rang
chehre pe hum sabhon ke agar aab zard hai
dast-e-suKHan mein tesha-e-baatil na dijiye
dushman agarche rah ka har sang-e-sard hai
is mein hararton ki nai ruh phunk do
KHwahish ki lash ek zamane se sard hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
