ek shama ki surat mein manzur kiya jaun
ik sham.a kī sūrat meñ manzūr kiyā jā.ūñ
ik ghar kī hifāzat par māmūr kiyā jā.ūñ
apne se bichhaḌne kī kuchh fikr nahīñ lekin
aisā na ho us se bhī ab duur kiyā jā.ūñ
ik yaad se mas ho kar zanjīr pighal jaa.e
ik gul kī mohabbat se maḳhmūr kiyā jā.ūñ
aisā na ho duniyā kī vus.at se nikalte hī
apne meñ simaTne par majbūr kiyā jā.ūñ
ai raat agar maiñ bhī ik terā sitāra huuñ
sūraj ke nikalte hī be-nūr kiyā jā.ūñ
aisā ho ki ik lamha merī bhī gavāhī de
aisā ho ki ik dil kā dastūr kiyā jā.ūñ
ek shama ki surat mein manzur kiya jaun
ek ghar ki hifazat par mamur kiya jaun
apne se bichhaDne ki kuchh fikr nahin lekin
aisa na ho us se bhi ab dur kiya jaun
ek yaad se mas ho kar zanjir pighal jae
ek gul ki mohabbat se maKHmur kiya jaun
aisa na ho duniya ki wusat se nikalte hi
apne mein simaTne par majbur kiya jaun
ai raat agar main bhi ek tera sitara hun
suraj ke nikalte hi be-nur kiya jaun
aisa ho ki ek lamha meri bhi gawahi de
aisa ho ki ek dil ka dastur kiya jaun
Source:
Urdu Adab (Pg. 53)
- Author: Iqbal Hussain
-
- Edition: Jan, Feb. Mar 1996
- Publisher: Iqbal Hussain Publishers
- Year of Publication: Jan, Feb. Mar 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
