ek shor hai ghar ghar meri shorida-sari ka

ik shor hai ghar ghar mirī shorīda-sarī kā

allah re asar aap kī jādū-nazarī kā

jab ġhuncha-e-dil khil ga.e raftār se terī

chalnā hameñ yaad aaya nasīm-e-saharī kā

chhuT kar bhī qafas se tire shākī nahīñ sayyād

hai yaad zamāna hameñ be-bāl-o-parī kā

uḌtī huī sunte haiñ ki sayyād ḳhafā hai

shikva na kare ab koī be-bāl-o-parī kā

yā-rab lab-e-fariyād ko de zabt kī taufīq

shākī hai bahut nāla-e-dil be-asarī kā

piirī meñ adā farz-e-ibādat ho kahāñ se

hai vaqt bahut tang namāz-e-saharī kā

ek shor hai ghar ghar meri shorida-sari ka

allah re asar aap ki jadu-nazari ka

jab ghuncha-e-dil khil gae raftar se teri

chalna hamein yaad aaya nasim-e-sahari ka

chhuT kar bhi qafas se tere shaki nahin sayyaad

hai yaad zamana hamein be-baal-o-pari ka

uDti hui sunte hain ki sayyaad KHafa hai

shikwa na kare ab koi be-baal-o-pari ka

ya-rab lab-e-fariyaad ko de zabt ki taufiq

shaki hai bahut nala-e-dil be-asari ka

piri mein ada farz-e-ibaadat ho kahan se

hai waqt bahut tang namaz-e-sahari ka