ek tabassum ka etibar kiya

ik tabassum kā e'tibār kiyā

aql ne sādgī se pyaar kiyā

asl se vāhima tarāshā aur

phir usī vāhime ko yaar kiyā

dekhte ho hamārī zūd-hisī

chashm-e-āhū ne dil shikār kiyā

dil pe jaa.ez tirā ijāra thā

tū ne kis ḳhauf se farār kiyā

ab koī justujū nahīñ bhātī

yuuñ tirī justujū ne ḳhvār kiyā

us kī chāhat ajiib thī jis ne

mere bujhne kā intizār kiyā

shukr parvardigār us ne mujhe

merī hastī kā ġham-gusār kiyā

'mīr'-sāhib ko muñh dikhānā thā

maz.hab-e-ishq iḳhtiyār kiyā

ye ġhazal kyā kahī ki phir 'jauhar'

māh-pāra ko be-qarār kiyā

ek tabassum ka e'tibar kiya

aql ne sadgi se pyar kiya

asl se wahima tarasha aur

phir usi wahime ko yar kiya

dekhte ho hamari zud-hisi

chashm-e-ahu ne dil shikar kiya

dil pe jaez tera ijara tha

tu ne kis KHauf se farar kiya

ab koi justuju nahin bhati

yun teri justuju ne KHwar kiya

us ki chahat ajib thi jis ne

mere bujhne ka intizar kiya

shukr parwardigar us ne mujhe

meri hasti ka gham-gusar kiya

'mir'-sahib ko munh dikhana tha

mazhab-e-ishq iKHtiyar kiya

ye ghazal kya kahi ki phir 'jauhar'

mah-para ko be-qarar kiya