ek talatum sa hai har samt tamannaon ka
ik talātum sā hai har samt tamannāoñ kā
dil pe hotā hai gumāñ shahr hai dariyāoñ kā
tū bhī ik baar mirī ruuh ke ā.īne meñ
jhāñk kar dekh taqaddus hai kalīsāoñ kā
haañ magar qatl-gah-e-shauq meñ kuchh aur bhī the
haath kyuuñ mujh pe uThā mere masīhāoñ kā
ab ke ghanghor ghaTā khul ke jo barse bhī to kyā
dhuup ne rañg hī kajlā diyā sahrāoñ kā
ab sar-e-dasht-e-ḳhud-ārā.ī khaḌā huuñ tanhā
maiñ ki dūlhā thā kabhī anjuman-ārāoñ kā
'mohsin'-ehsān kī is sāda-dilī ke sadqe
dhuup meñ DhūñDhtā phirtā hai mazā chhāñv kā
ek talatum sa hai har samt tamannaon ka
dil pe hota hai guman shahr hai dariyaon ka
tu bhi ek bar meri ruh ke aaine mein
jhank kar dekh taqaddus hai kalisaon ka
han magar qatl-gah-e-shauq mein kuchh aur bhi the
hath kyun mujh pe uTha mere masihaon ka
ab ke ghanghor ghaTa khul ke jo barse bhi to kya
dhup ne rang hi kajla diya sahraon ka
ab sar-e-dasht-e-KHud-arai khaDa hun tanha
main ki dulha tha kabhi anjuman-araon ka
'mohsin'-ehsan ki is sada-dili ke sadqe
dhup mein DhunDhta phirta hai maza chhanw ka
Source:
Funoon(Jadeed Ghazal Number: Volume-002) (Pg. 626)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
