ek tir nahin kya teri mizhgan ki safon mein

ik tiir nahīñ kyā tirī mizhgāñ kī safoñ meñ

bah jaa.eñ lahū ban ke ye hasrat hai diloñ meñ

dariyā ho to maujoñ meñ khule is kā sarāpā

pāgal hai havā chīḳhtī phirtī hai banoñ meñ

teshe kī sadā merī hī fariyād thī goyā

merī hī tarah thā koī patthar kī siloñ meñ

yuuñ aaj phir ik hasrat-e-nākām pe ro.e

jaise na the pahle kabhī āzurda-diloñ meñ

ab sub.h se tā-shām hai sadiyoñ kī masāfat

har lamha-e-be-qaid hai zanjīr dinoñ meñ

rastoñ pe umaDtā huā phūloñ kā samundar

hairān huuñ kis tarah samāyā hai gharoñ meñ

kheñchā thā junūñ ne jise dāmān-e-havā par

dekhā to vahī shakl hai miTTī kī tahoñ meñ

kyā Thereñ qadam dasht-e-navardān-e-vafā ke

kāñTā to nahīñ paañv meñ saudā hai saroñ meñ

tausīf vo yādoñ kā dhuāñ hai ki sar-e-bazm

chehre nazar aate haiñ charāġhoñ kī lavoñ meñ

ek tir nahin kya teri mizhgan ki safon mein

bah jaen lahu ban ke ye hasrat hai dilon mein

dariya ho to maujon mein khule is ka sarapa

pagal hai hawa chiKHti phirti hai banon mein

teshe ki sada meri hi fariyaad thi goya

meri hi tarah tha koi patthar ki silon mein

yun aaj phir ek hasrat-e-nakaam pe roe

jaise na the pahle kabhi aazurda-dilon mein

ab subh se ta-sham hai sadiyon ki masafat

har lamha-e-be-qaid hai zanjir dinon mein

raston pe umaDta hua phulon ka samundar

hairan hun kis tarah samaya hai gharon mein

khencha tha junun ne jise daman-e-hawa par

dekha to wahi shakl hai miTTi ki tahon mein

kya Theren qadam dasht-e-nawardan-e-wafa ke

kanTa to nahin panw mein sauda hai saron mein

tausif wo yaadon ka dhuan hai ki sar-e-bazm

chehre nazar aate hain charaghon ki lawon mein