ek to ye zindagi hi sarasar fareb hai
ik to ye zindagī hī sarāsar fareb hai
aur us pe āgahī bhī barābar fareb hai
rahne do un ko ishq-o-junūñ ke sarāb meñ
talḳhī hai utnī sach meñ ki behtar fareb hai
ta.abīr tere ḳhvāb kī ma.alūm hai mujhe
tujh kushta-e-gumāñ kā muqaddar fareb hai
ik aur āsmāñ bhī hai is āsmān par
goyā yahāñ fareb ke uupar fareb hai
hai vāqi.a kuchh aur hī 'kāshif' pas-e-hijāb
jo aañkh dekhtī hai vo manzar fareb hai
ek to ye zindagi hi sarasar fareb hai
aur us pe aagahi bhi barabar fareb hai
rahne do un ko ishq-o-junun ke sarab mein
talKHi hai utni sach mein ki behtar fareb hai
tabir tere KHwab ki malum hai mujhe
tujh kushta-e-guman ka muqaddar fareb hai
ek aur aasman bhi hai is aasman par
goya yahan fareb ke upar fareb hai
hai waqia kuchh aur hi 'kashif' pas-e-hijab
jo aankh dekhti hai wo manzar fareb hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
