ek umr ki talash ka kya hai sila mila

ik umr kī talāsh kā kyā hai sila milā

ḳhud kī ḳhabar milī na ḳhudā kā patā milā

dekho to ḳhud-kushī hai jo samjho to hai visāl

dariyā jo ek chal ke samandar se jā milā

is baar us ke milne kā andāz thā judā

chehra vahī thā aadmī bilkul nayā milā

dair-o-haram meñ jā ke bhī dekhā hai bār-bār

dil ko sukūñ milā na kahīñ par ḳhudā milā

fariyād ḳhūn-e-dil kī adālat ne kab sunī

un ko sazā milī na hameñ ḳhūñ-bahā milā

mushkil thā ham se mandir-o-masjid meñ intiḳhāb

shukr-e-ḳhudā ki raah meñ ik mai-kada milā

kyoñ zid hai ai 'sadā' tujhe us kī talāsh kī

ab tak kisī ko jis kā nahīñ naqsh-e-pā milā

ek umr ki talash ka kya hai sila mila

KHud ki KHabar mili na KHuda ka pata mila

dekho to KHud-kushi hai jo samjho to hai visal

dariya jo ek chal ke samandar se ja mila

is bar us ke milne ka andaz tha juda

chehra wahi tha aadmi bilkul naya mila

dair-o-haram mein ja ke bhi dekha hai bar-bar

dil ko sukun mila na kahin par KHuda mila

fariyaad KHun-e-dil ki adalat ne kab suni

un ko saza mili na hamein KHun-baha mila

mushkil tha hum se mandir-o-masjid mein intiKHab

shukr-e-KHuda ki rah mein ek mai-kada mila

kyon zid hai ai 'sada' tujhe us ki talash ki

ab tak kisi ko jis ka nahin naqsh-e-pa mila