ek wahm ki surat sar-e-diwar-e-yaqin hain

ik vahm kī sūrat sar-e-dīvār-e-yaqīñ haiñ

dekho to haiñ maujūd na dekho to nahīñ haiñ

ham se kashish-e-mauja-e-raftār na pūchho

ham ahl-e-mohabbat to giraftār-e-zamīñ haiñ

is raah se haT kar guzar ai nāqa-e-lailā

is gosha-e-sahrā meñ ham ārām-guzīñ haiñ

chhoḌeñ bhī to kis tarah ham is shahr ko chhoḌeñ

is najd ke pāband tire ḳhāk-nashīñ haiñ

is dā.era-e-raushni-o-rañg se aage

kyā jāniye kis haal meñ bastī ke makīñ haiñ

vo tab bhī gurezāñ the magar dushman-e-dil the

vo ab bhī gurezāñ haiñ magar dushman-e-dīñ haiñ

har marhal-e-būd thā nābūd kī manzil

lekin tire hote hameñ lagtā thā hamīñ haiñ

kis taur sameTeñ tirī palkoñ ke sitāre

kahne ko to shā.er haiñ magar apne ta.iiñ haiñ

ek wahm ki surat sar-e-diwar-e-yaqin hain

dekho to hain maujud na dekho to nahin hain

hum se kashish-e-mauja-e-raftar na puchho

hum ahl-e-mohabbat to giraftar-e-zamin hain

is rah se haT kar guzar ai naqa-e-laila

is gosha-e-sahra mein hum aaram-guzin hain

chhoDen bhi to kis tarah hum is shahr ko chhoDen

is najd ke paband tere KHak-nashin hain

is daera-e-raushni-o-rang se aage

kya jaaniye kis haal mein basti ke makin hain

wo tab bhi gurezan the magar dushman-e-dil the

wo ab bhi gurezan hain magar dushman-e-din hain

har marhal-e-bud tha nabud ki manzil

lekin tere hote hamein lagta tha hamin hain

kis taur sameTen teri palkon ke sitare

kahne ko to shaer hain magar apne tain hain