ek yahi wasf hai isMein jo amar lagta hai

ik yahī vasf hai is meñ jo amar lagtā hai

vo kaḌī dhuup meñ bargad kā shajar lagtā hai

yuuñ to chāhat meñ nihāñ june kī hiddat hai magar

sard lahje meñ december kā asar lagtā hai

jab se jaanā ki vo ham-shahr hai merā tab se

shahr-e-lahore bhī jaadū kā nagar lagtā hai

jaane kab gardish-e-ayyām badal Daale tujhe

jiit kar tujh ko mujhe haar se Dar lagtā hai

chāhe kitnī hī sajāvaT se muzayyan ho magar

maañ nazar aa.e to ghar asl meñ ghar lagtā hai

is qadar us kī nigāhoñ meñ taqaddus hai nihāñ

sar jhukātī huuñ to pīpal kā shajar lagtā hai

ek yahi wasf hai is mein jo amar lagta hai

wo kaDi dhup mein bargad ka shajar lagta hai

yun to chahat mein nihan june ki hiddat hai magar

sard lahje mein december ka asar lagta hai

jab se jaana ki wo ham-shahr hai mera tab se

shahr-e-lahore bhi jadu ka nagar lagta hai

jaane kab gardish-e-ayyam badal Dale tujhe

jit kar tujh ko mujhe haar se Dar lagta hai

chahe kitni hi sajawaT se muzayyan ho magar

man nazar aae to ghar asl mein ghar lagta hai

is qadar us ki nigahon mein taqaddus hai nihan

sar jhukati hun to pipal ka shajar lagta hai