ek zarurat mein sarf ho gae the

ik zarūrat meñ sarf ho ga.e the

phir mire haath barf ho ga.e the

lafz kī tarah the kabhī ham log

aur phir harf harf ho ga.e the

shahr kī har galī kushāda thī

log hī tang-zarf ho ga.e the

saḳht garmī thī un dinoñ lekin

apne jazbāt barf ho ga.e the

jitne aañsū the merī āñkhoñ meñ

naujavānī meñ sarf ho ga.e the

ek zarurat mein sarf ho gae the

phir mere hath barf ho gae the

lafz ki tarah the kabhi hum log

aur phir harf harf ho gae the

shahr ki har gali kushada thi

log hi tang-zarf ho gae the

saKHt garmi thi un dinon lekin

apne jazbaat barf ho gae the

jitne aansu the meri aankhon mein

naujawani mein sarf ho gae the