ikka dukka shaz-o-nadir baqi hain

ikkā dukkā shāz-o-nādir baaqī haiñ

apnī āñkheñ jin chehroñ kī aadī haiñ

ham baulā.e un ko DhūñDā karte haiñ

saare shahr kī galiyāñ ham par hañstī haiñ

jab tak bahlā paao ḳhud ko bahlā lo

āḳhir āḳhir saare khilaune miTTī haiñ

kahne ko har ek se kah sun lete haiñ

sirf dikhāvā hai ye bāteñ farzī haiñ

lutf sivā thā tujh se bāteñ karne kā

kitnī bāteñ nok-e-zabāñ pe Thahrī haiñ

tū ik bahtā dariyā chauḌe chakle paaT

aur bhī haiñ lekin naale barsātī haiñ

saare kamre ḳhālī ghar sannāTā hai

bas kuchh yādeñ haiñ jo taaq pe rakkhī haiñ

ikka dukka shaz-o-nadir baqi hain

apni aankhen jin chehron ki aadi hain

hum baulae un ko DhunDa karte hain

sare shahr ki galiyan hum par hansti hain

jab tak bahla pao KHud ko bahla lo

aaKHir aaKHir sare khilaune miTTi hain

kahne ko har ek se kah sun lete hain

sirf dikhawa hai ye baaten farzi hain

lutf siwa tha tujh se baaten karne ka

kitni baaten nok-e-zaban pe Thahri hain

tu ek bahta dariya chauDe chakle paT

aur bhi hain lekin nale barsati hain

sare kamre KHali ghar sannaTa hai

bas kuchh yaaden hain jo taq pe rakkhi hain