ilāj-e-hasrat-e-dil-gīr kar rahā huuñ maiñ
muqaddarāt kī ta.amīr kar rahā huuñ maiñ
tasavvurāt kī kircheñ sameT kar ek ik
burīda ḳhvāb kī tafsīr kar rahā huuñ maiñ
ki gūñdh kar mah-e-tābāñ kī zau-fishāñ kirneñ
ilāj-e-zulmat-e-be-pīr kar rahā huuñ maiñ
jagā ke fahm kī lau zehn ke darīchoñ meñ
na.e nizām ko tahrīr kar rahā huuñ maiñ
ye azm hai ki badal duuñ maiñ baḳht kā chehra
ba-sad ḳhulūs ye tadbīr kar rahā huuñ maiñ
hasīn raat kiran chāñd kī hinā kī mahak
milā ke ab terī tasvīr kar rahā huuñ maiñ
ilaj-e-hasrat-e-dil-gir kar raha hun main
muqaddaraat ki tamir kar raha hun main
tasawwuraat ki kirchen sameT kar ek ek
burida KHwab ki tafsir kar raha hun main
ki gundh kar mah-e-taban ki zau-fishan kirnen
ilaj-e-zulmat-e-be-pir kar raha hun main
jaga ke fahm ki lau zehn ke darichon mein
nae nizam ko tahrir kar raha hun main
ye azm hai ki badal dun main baKHt ka chehra
ba-sad KHulus ye tadbir kar raha hun main
hasin raat kiran chand ki hina ki mahak
mila ke ab teri taswir kar raha hun main
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.