ilzam tha diye pe na taqsir raat ki

ilzām thā diye pe na taqsīr raat kī

ham ne to bas havā ke ta.alluq se baat kī

har sub.h jab ki sub.h-e-qayāmat kī tarah aa.e

aise meñ kaun hogā jo soche sabāt kī

taklīf to huī magar ai nāḳhun-e-malāl

khulne lagī girah bhī koī apnī zaat kī

zanjīr hai jazīra hai yā shāḳh-e-be-samar

ab kaun sī lakīr salāmat hai haat kī

marne agar na paa.ī to zinda bhī kab rahī

tanhā kaTī vo umr jo thī tere saath kī

phir bhī na merā qāfila luTne se bach sakā

maiñ ne ḳhabar to rakkhī thī ek ek ghaat kī

ilzam tha diye pe na taqsir raat ki

hum ne to bas hawa ke talluq se baat ki

har subh jab ki subh-e-qayamat ki tarah aae

aise mein kaun hoga jo soche sabaat ki

taklif to hui magar ai naKHun-e-malal

khulne lagi girah bhi koi apni zat ki

zanjir hai jazira hai ya shaKH-e-be-samar

ab kaun si lakir salamat hai hat ki

marne agar na pai to zinda bhi kab rahi

tanha kaTi wo umr jo thi tere sath ki

phir bhi na mera qafila luTne se bach saka

main ne KHabar to rakkhi thi ek ek ghat ki