imtiyaz-e-husn-o-ulfat aashkara ho gaya
imtiyāz-e-husn-o-ulfat āshkārā ho gayā
tum na mere ho sake aur maiñ tumhārā ho gayā
jaane kyā dil ko mohabbat meñ sahārā ho gayā
yā ḳhushī bhī baar thī yā ġham gavārā ho gayā
maiñ kahāñ aur jur.at-e-arz-e-niyāz-e-dil kahāñ
haañ magar terā hī dar-parda ishāra ho gayā
kyā mohabbat dar-haqīqat hai mohabbat kā javāb
tum bhī ho jāoge us ke jo tumhārā ho gayā
qalb-e-jur.at-āzmā kuchh fitratan bebāk hai
aur agar aise meñ terā bhī ishāra ho gayā
shiddat-e-ġham aur phir tākīd-e-zabt-e-āh bhī
lekin ik majbūr-e-ulfat ko gavārā ho gayā
ab to har ik baat par āñkhoñ meñ bhar aate haiñ ashk
chaar din meñ haal kyā 'naḳhshab' tumhārā ho gayā
imtiyaz-e-husn-o-ulfat aashkara ho gaya
tum na mere ho sake aur main tumhaara ho gaya
jaane kya dil ko mohabbat mein sahaara ho gaya
ya KHushi bhi bar thi ya gham gawara ho gaya
main kahan aur jurat-e-arz-e-niyaz-e-dil kahan
han magar tera hi dar-parda ishaara ho gaya
kya mohabbat dar-haqiqat hai mohabbat ka jawab
tum bhi ho jaoge us ke jo tumhaara ho gaya
qalb-e-jurat-azma kuchh fitratan bebak hai
aur agar aise mein tera bhi ishaara ho gaya
shiddat-e-gham aur phir takid-e-zabt-e-ah bhi
lekin ek majbur-e-ulfat ko gawara ho gaya
ab to har ek baat par aankhon mein bhar aate hain ashk
chaar din mein haal kya 'naKHshab' tumhaara ho gaya
Source:
Mashal-e-raah (Pg. B-53 E-55)
- Author: Nakhshab Jaarchawi
-
- Publisher: Hindustani Publishers, Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
