in aankhon mein basa koi zohra-jabin hai ab
in āñkhoñ meñ basā koī zohra-jabīñ hai ab
muztar kuchh aisā dil hai Thahartā nahīñ hai ab
bachpan hī se the rashk-e-hasīnān-e-dil-fareb
ahd-e-shabāb un kā ġhazab dil-nashīñ hai ab
dildār mere haañ se bahut mushta.il gayā
ai dil samajh le ḳhair adū kī nahīñ hai ab
āshiq tumhārā kahte haiñ dekhā nahīñ kabhī
ya.anī tumhārī yaad meñ ḳhalvat-guzīñ hai ab
kaafī hai tere haath kā chhallā yahī mujhe
kuchh ḳhātim-e-sulaimāñ kī hasrat nahīñ hai ab
afsāna merā sun ke pashemāñ hai chashm-e-yār
kis darja ḳhashmagīñ thī magar sharmgīñ hai ab
kyā jaane yaaro kis ke tasavvur meñ kho gayā
dekhā 'jalālī' ham ne sarāpā hazīñ hai ab
in aankhon mein basa koi zohra-jabin hai ab
muztar kuchh aisa dil hai Thaharta nahin hai ab
bachpan hi se the rashk-e-hasinan-e-dil-fareb
ahd-e-shabab un ka ghazab dil-nashin hai ab
dildar mere han se bahut mushtail gaya
ai dil samajh le KHair adu ki nahin hai ab
aashiq tumhaara kahte hain dekha nahin kabhi
yani tumhaari yaad mein KHalwat-guzin hai ab
kafi hai tere hath ka chhalla yahi mujhe
kuchh KHatim-e-sulaiman ki hasrat nahin hai ab
afsana mera sun ke pasheman hai chashm-e-yar
kis darja KHashmagin thi magar sharmgin hai ab
kya jaane yaro kis ke tasawwur mein kho gaya
dekha 'jalali' hum ne sarapa hazin hai ab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
