in dinon ji dukha sa rahta hai
in dinoñ jī dukhā sā rahtā hai
har ghaḌī dil bujhā sā rahtā hai
kitne jhelūñ azaab raat aur din
zehn bhī ab thakā sā rahtā hai
zehn zaḳhmī hai ruuh bhī zaḳhmī
dil meñ mela lagā sā rahtā hai
koī mausam ho badliyoñ kā raaj
ab to sūraj chhupā sā rahtā hai
kis taraf jaa.e ye saḌak jaane
bas ye khaTkā lagā sā rahtā hai
chaar sū nafratoñ kī hai bārish
zaḳhm dil kā harā sā rahtā hai
ik nazar dekh luuñ vatan apnā
jal rahā hai zarā sā rahtā hai
jaane kyā ho gayā hai 'hairat' ko
ḳhud se ḳhud hī ḳhafā sā rahtā hai
in dinon ji dukha sa rahta hai
har ghaDi dil bujha sa rahta hai
kitne jhelun azab raat aur din
zehn bhi ab thaka sa rahta hai
zehn zaKHmi hai ruh bhi zaKHmi
dil mein mela laga sa rahta hai
koi mausam ho badliyon ka raj
ab to suraj chhupa sa rahta hai
kis taraf jae ye saDak jaane
bas ye khaTka laga sa rahta hai
chaar su nafraton ki hai barish
zaKHm dil ka hara sa rahta hai
ek nazar dekh lun watan apna
jal raha hai zara sa rahta hai
jaane kya ho gaya hai 'hairat' ko
KHud se KHud hi KHafa sa rahta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
