in pattharon ko aaina-KHane se kya mila

in pattharoñ ko ā.ina-ḳhāne se kyā milā

tum pūchhte ho mujh ko zamāne se kyā milā

us shaḳhs kī vafā se ġhazal ho ga.ī tamām

socho haqīqatoñ ko fasāne se kyā milā

be-ghar thā aur rahtā thā saare jahān meñ

is qaid vaale ghar ke Thikāne se kyā milā

ab to ye kah rahā hai ki jā kar ḳhudā se maañg

mujh ko tire dayār meñ aane se kyā milā

mujh ko to sabz baaġh kī kaliyoñ kā 'ilm hai

ai shaḳhs tujh ko phuul churāne se kyā milā

maazī se le ke haal tak us kā karam hai dost

tujh ko mirā mazāq uḌāne se kyā milā

in pattharon ko aaina-KHane se kya mila

tum puchhte ho mujh ko zamane se kya mila

us shaKHs ki wafa se ghazal ho gai tamam

socho haqiqaton ko fasane se kya mila

be-ghar tha aur rahta tha sare jahan mein

is qaid wale ghar ke Thikane se kya mila

ab to ye kah raha hai ki ja kar KHuda se mang

mujh ko tere dayar mein aane se kya mila

mujh ko to sabz bagh ki kaliyon ka 'ilm hai

ai shaKHs tujh ko phul churane se kya mila

mazi se le ke haal tak us ka karam hai dost

tujh ko mera mazaq uDane se kya mila