in sarabon se guzarne de mujhe

Ameer Qazalbash

in sarabon se guzarne de mujhe

Ameer Qazalbash

MORE BYAmeer Qazalbash

    in sarāboñ se guzarne de mujhe

    uñgliyāñ ret meñ bharne de mujhe

    jis nadī paar na utrā koī

    us nadī paar utarne de mujhe

    koī sayyāh mujhe DhūñDhegā

    ik jazīra huuñ ubharne de mujhe

    yuuñ na be-zār ho itnā ḳhud se

    terā chehra huuñ sañvarne de mujhe

    dekh be-manzari-e-manzar ko

    kam se kam rañg to bharne de mujhe

    rū-ba-rū mujh ko kabhī mere

    apne aap se Darne de mujhe

    shukr kiije ki shikāyat kiije

    vo na jiine de na marne de mujhe

    raah mat rok ki mushkil hai bahut

    bahtā paanī huuñ guzarne de mujhe

    ek aisā bhī shajar ho jo 'amīr'

    apne saa.e meñ Thaharne de mujhe

    in sarabon se guzarne de mujhe

    ungliyan ret mein bharne de mujhe

    jis nadi par na utra koi

    us nadi par utarne de mujhe

    koi sayyah mujhe DhunDhega

    ek jazira hun ubharne de mujhe

    yun na be-zar ho itna KHud se

    tera chehra hun sanwarne de mujhe

    dekh be-manzari-e-manzar ko

    kam se kam rang to bharne de mujhe

    ru-ba-ru mujh ko kabhi la mere

    apne hi aap se Darne de mujhe

    shukr kije ki shikayat kije

    wo na jine de na marne de mujhe

    rah mat rok ki mushkil hai bahut

    bahta pani hun guzarne de mujhe

    ek aisa bhi shajar ho jo 'amir'

    apne sae mein Thaharne de mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY