inhen mat chheDiye inko to KHwahish hai singhasan ki

inheñ mat chheḌiye in ko to ḳhvāhish hai singhāsan kī

faqat ye jaan liije ye hai aadat mulk-dushman kī

ise tanhā.ī meñ jab yaad aa.ī apne sājan kī

ġhamoñ ke saa.e meñ guzrī thī kal kī raat birhan kī

batā.ūñ kyā tumheñ sarkash havā kī dāstāñ yāroñ

ki shāḳheñ sūkhtī hī jā rahī hai mere gulshan kī

ḳhudāyā ye hamārī qaum meñ tafrīq hai kaisī

sabhī ko ek kar de ye duā hai mere tan-man kī

ki baḌhtā jā rahā hai zāfrānī rañg har shai par

nazar aatī nahīñ hai ḳhair ab apne nasheman kī

mujhe phāñsī pe laTkā do magar sach baat bolūñgā

chitā har gaam par jaltī hai yaaro aaj dulhan kī

ye kaisā daur aayā hai ye kaise log haiñ 'sājid'

madad koī nahīñ kartā yahāñ dil se abhāgan kī

inhen mat chheDiye in ko to KHwahish hai singhasan ki

faqat ye jaan lije ye hai aadat mulk-dushman ki

ise tanhai mein jab yaad aai apne sajan ki

ghamon ke sae mein guzri thi kal ki raat birhan ki

bataun kya tumhein sarkash hawa ki dastan yaron

ki shaKHen sukhti hi ja rahi hai mere gulshan ki

KHudaya ye hamari qaum mein tafriq hai kaisi

sabhi ko ek kar de ye dua hai mere tan-man ki

ki baDhta ja raha hai zafrani rang har shai par

nazar aati nahin hai KHair ab apne nasheman ki

mujhe phansi pe laTka do magar sach baat bolunga

chita har gam par jalti hai yaro aaj dulhan ki

ye kaisa daur aaya hai ye kaise log hain 'sajid'

madad koi nahin karta yahan dil se abhagan ki