inhi subhon mein wo ek subh-e-nawa yaad karo

inhī sub.hoñ meñ vo ik sub.h-e-navā yaad karo

phuul khilne kī duā hai to duā yaad karo

ik to bārish ke utarne kī thī apnī āvāz

ik vo kuchh aur thī pattoñ kī sadā yaad karo

ab vo rut hai ki darīchoñ meñ na ham haiñ na charāġh

kitne atrāf se aatī thī havā yaad karo

ab to is ḳhvāb kī ḳhushbū bhī kahīñ ho ki na ho

ham vo kis mauj meñ the chashm-e-kushā yaad karo

sub.h hone kī hai minnat to vo maano 'rif.at'

phuul khilne kī duā hai to duā yaad karo

inhi subhon mein wo ek subh-e-nawa yaad karo

phul khilne ki dua hai to dua yaad karo

ek to barish ke utarne ki thi apni aawaz

ek wo kuchh aur thi patton ki sada yaad karo

ab wo rut hai ki darichon mein na hum hain na charagh

kitne atraf se aati thi hawa yaad karo

ab to is KHwab ki KHushbu bhi kahin ho ki na ho

hum wo kis mauj mein the chashm-e-kusha yaad karo

subh hone ki hai minnat to wo mano 'rifat'

phul khilne ki dua hai to dua yaad karo