inkar ki lazzat se na iqrar-e-junun se

inkār kī lazzat se na iqrār-e-junūñ se

ye hijr khulā mujh pe kisī aur fusūñ se

ye jaan chalī jaa.e magar aañch na aa.e

ādāb-e-mohabbat pe kisī harf-e-junūñ se

ujlat meñ nahīñ hogī tilāvat tire ruḳh kī

aa baiTh mire paas zarā der sukūñ se

ai yaar koī bol mohabbat se bharā bol

kyā samjhūñ bhalā maiñ tirī haañ se tirī huuñ se

dīvār kā saaya to mujhe mil nahīñ paayā

baiThā huuñ tirī yaad meñ ab lag ke sutūñ se

tujh se to mirī ruuh kā bandhan thā mire yaar

anjān rahā tū bhī mire hāl-e-darūñ se

inkar ki lazzat se na iqrar-e-junun se

ye hijr khula mujh pe kisi aur fusun se

ye jaan chali jae magar aanch na aae

aadab-e-mohabbat pe kisi harf-e-junun se

ujlat mein nahin hogi tilawat tere ruKH ki

aa baiTh mere pas zara der sukun se

ai yar koi bol mohabbat se bhara bol

kya samjhun bhala main teri han se teri hun se

diwar ka saya to mujhe mil nahin paya

baiTha hun teri yaad mein ab lag ke sutun se

tujh se to meri ruh ka bandhan tha mere yar

anjaan raha tu bhi mere haal-e-darun se