insan isi tarah se hain sahib ajib hain

insān isī tarah se haiñ sāhib ajiib haiñ

itnā na ġhaur kījiye ham sab ajiib haiñ

uljhā diyā hai kaisā dil-o-be-dilī ke biich

ai rozgār-e-ishq ye kartab ajiib haiñ

maiñ kaun huuñ tū kaun hai ye log kaun haiñ

kis ne kiye ye darje murattab ajiib haiñ

kahtā hai dil ki ek zarā chuum dekhiye

dilkash to ḳhair hote haiñ vo lab ajiib haiñ

ham se na satr-e-hast pe kuchh guftugū karo

apnī samajh meñ aa.e jo matlab ajiib haiñ

sab Thiik the hameñ hī shikāyat abas rahī

'haidar' ham aise log khulā ab ajiib haiñ

insan isi tarah se hain sahib ajib hain

itna na ghaur kijiye hum sab ajib hain

uljha diya hai kaisa dil-o-be-dili ke bich

ai rozgar-e-ishq ye kartab ajib hain

main kaun hun tu kaun hai ye log kaun hain

kis ne kiye ye darje murattab ajib hain

kahta hai dil ki ek zara chum dekhiye

dilkash to KHair hote hain wo lab ajib hain

hum se na satr-e-hast pe kuchh guftugu karo

apni samajh mein aae jo matlab ajib hain

sab Thik the hamein hi shikayat abas rahi

'haidar' hum aise log khula ab ajib hain