insan koi bhi to farishta bana nahin

insān koī bhī to farishta banā nahīñ

sach pūchhiye to koī yahāñ be-ḳhatā nahīñ

vo jis ko apne dil kā fasāna sunā sakeñ

ham ko to koī shaḳhs abhī tak milā nahīñ

chehra badal badal ke vo aayā hai bār-bār

vo ho kisī bhī chehre meñ mujh se chhupā nahīñ

kashtī ko tū ne chhoḌ diyā yuuñ hī nāḳhudā

kyā tū samajh rahā hai hamārā ḳhudā nahīñ

qaa.em rahe jo tauba pe saaqī ke rū-ba-rū

aisā to mai-kade meñ koī pārsā nahīñ

ham haiñ qusūr-vār hameñ e'tirāf hai

tohmat lagāne vaale bhī to devtā nahīñ

vo bevafā thā chhoḌ ke mujh ko chalā gayā

maiñ bhuul jā.ūñ us ko magar bhūltā nahīñ

us ke qarīb jā.ūñ to miltā nahīñ hai vo

aur duur ho bhī jā.ūñ to mujh se judā nahīñ

'zebī' rafīq hote haiñ sab achchhe daur ke

jab vaqt ho kaḌā koī pahchāntā nahīñ

insan koi bhi to farishta bana nahin

sach puchhiye to koi yahan be-KHata nahin

wo jis ko apne dil ka fasana suna saken

hum ko to koi shaKHs abhi tak mila nahin

chehra badal badal ke wo aaya hai bar-bar

wo ho kisi bhi chehre mein mujh se chhupa nahin

kashti ko tu ne chhoD diya yun hi naKHuda

kya tu samajh raha hai hamara KHuda nahin

qaem rahe jo tauba pe saqi ke ru-ba-ru

aisa to mai-kade mein koi parsa nahin

hum hain qusur-war hamein e'tiraf hai

tohmat lagane wale bhi to dewta nahin

wo bewafa tha chhoD ke mujh ko chala gaya

main bhul jaun us ko magar bhulta nahin

us ke qarib jaun to milta nahin hai wo

aur dur ho bhi jaun to mujh se juda nahin

'zebi' rafiq hote hain sab achchhe daur ke

jab waqt ho kaDa koi pahchanta nahin