insan pe kya guzar rahi hai

Mahshar Badayuni

insan pe kya guzar rahi hai

Mahshar Badayuni

MORE BY Mahshar Badayuni

    insān pe kyā guzar rahī hai

    insāniyat aaheñ bhar rahī hai

    ab kyā hai difā-e-zulm ke paas

    tārīḳh savāl kar rahī hai

    dīvāreñ to saarī haiñ udhar

    aur chhāñv idhar utar rahī hai

    gum apnī havā meñ haiñ machhere

    mauj apnī jagah biphar rahī hai

    āsūda-e-ġham hai koī rut ho

    vo shāḳh jo be-samar rahī hai

    apnī ḳhabar rahī hai un ko

    aur apnī bhī kyā ḳhabar rahī hai

    ḳhud kuuze banā.e ḳhud bikhar jaa.e

    ye qismat-e-kūza-gar rahī hai

    insan pe kya guzar rahi hai

    insaniyat aahen bhar rahi hai

    ab kya hai difa-e-zulm ke pas

    tariKH sawal kar rahi hai

    diwaren to sari hain udhar ki

    aur chhanw idhar utar rahi hai

    gum apni hawa mein hain machhere

    mauj apni jagah biphar rahi hai

    aasuda-e-gham hai koi rut ho

    wo shaKH jo be-samar rahi hai

    apni hi KHabar rahi hai un ko

    aur apni bhi kya KHabar rahi hai

    KHud kuze banae KHud bikhar jae

    ye qismat-e-kuza-gar rahi hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY