intiKHabi daur mein shola-bayani chhoD di

intiḳhābī daur meñ sho'la-bayānī chhoḌ dī

us ne mujh se har tarah kī bad-gumānī chhoḌ dī

us kā vā'da hai vo kar degā mujhe jannat-nashīñ

bā-ḳhushī maiñ ne agar masjid purānī chhoḌ dī

maiñ haqā.eq ke sahāre ab talak laḌtā rahā

phir achānak us ne baḌh kar ik kahānī chhoḌ dī

jo the mahrūm-e-anā jā kar samundar meñ gire

ek dariyā ne magar apnī ravānī chhoḌ dī

jab adab ke sūrmā banñe lage pashsha-sifat

ham ne bhī uktā ke āḳhir pahlvānī chhoḌ dī

mere sar par har taraf se saikḌoñ patthar lage

jab subuk-sar ho ke maiñ ne sargirānī chhoḌ dī

par-fishāñ ash'ār haiñ yā hai farishtoñ kā nuzūl

yā 'adam ne ik balā-e-nāgahānī chhoḌ dī

'ahd-e-nau meñ kuchh nahīñ miltā hai qīmat ke baġhair

ab masīhā ne ravish apnī purānī chhoḌ dī

jaane kis kā hāshiya-bardār hai merā qalam

har kas-o-nā-kas kī is ne tarjumānī chhoḌ dī

intiKHabi daur mein sho'la-bayani chhoD di

us ne mujh se har tarah ki bad-gumani chhoD di

us ka wa'da hai wo kar dega mujhe jannat-nashin

ba-KHushi main ne agar masjid purani chhoD di

main haqaeq ke sahaare ab talak laDta raha

phir achanak us ne baDh kar ek kahani chhoD di

jo the mahrum-e-ana ja kar samundar mein gire

ek dariya ne magar apni rawani chhoD di

jab adab ke surma banne lage pashsha-sifat

hum ne bhi ukta ke aaKHir pahlwani chhoD di

mere sar par har taraf se saikDon patthar lage

jab subuk-sar ho ke main ne sargirani chhoD di

par-fishan ash'ar hain ya hai farishton ka nuzul

ya 'adam ne ek bala-e-nagahani chhoD di

'ahd-e-nau mein kuchh nahin milta hai qimat ke baghair

ab masiha ne rawish apni purani chhoD di

jaane kis ka hashiya-bardar hai mera qalam

har kas-o-na-kas ki is ne tarjumani chhoD di