ird-gird sab rang sarasar aur hi kuchh the

ird-gird sab rang sarāsar aur hī kuchh the

aañkh khulī to saare manzar aur hī kuchh the

tujh se mil kar aur na koī dhyān meñ aaya

tujh se pahle soch ke mehvar aur hī kuchh the

rafta rafta har ik ghaav bhar jaatā hai

pahle-pahal ham tujh se bichhaḌ kar aur hī kuchh the

tārīkī sannāTā tanhā.ī aur yādeñ

raat ko ye aalam thā din-bhar aur hī kuchh the

siine meñ thā dard magar hoñToñ pe tabassum

bāhar ham kuchh aur the andar aur hī kuchh the

ab to saarā ghar suunā suunā lagtā hai

milan ghaḌī meñ dīvār-o-dar aur hī kuchh the

jhūTī niklīñ naqsh ḳhushī kī sab rekhā.eñ

pesh aa.e hālāt jo aksar aur hī kuchh the

ird-gird sab rang sarasar aur hi kuchh the

aankh khuli to sare manzar aur hi kuchh the

tujh se mil kar aur na koi dhyan mein aaya

tujh se pahle soch ke mehwar aur hi kuchh the

rafta rafta har ek ghaw bhar jata hai

pahle-pahal hum tujh se bichhaD kar aur hi kuchh the

tariki sannaTa tanhai aur yaaden

raat ko ye aalam tha din-bhar aur hi kuchh the

sine mein tha dard magar honTon pe tabassum

bahar hum kuchh aur the andar aur hi kuchh the

ab to sara ghar suna suna lagta hai

milan ghaDi mein diwar-o-dar aur hi kuchh the

jhuTi niklin naqsh KHushi ki sab rekhaen

pesh aae haalat jo aksar aur hi kuchh the