is bar hua kun ka asar aur tarah ka

is baar huā kun kā asar aur tarah kā

is baar hai imkān-e-bashar aur tarah kā

is baar madīne hī meñ dar aayā thā kuufa

is baar kiyā ham ne safar aur tarah kā

is baar na asbāb na chādar pe nazar thī

is baar thā luTne kā ḳhatar aur tarah kā

is baar koī aib koī aib nahīñ thā

is baar kiyā ham ne hunar aur tarah kā

is baar koī ḳhair kā tālib hī nahīñ thā

is baar thā andesha-e-shar aur tarah kā

is baar chalī bād-e-sumūm aur tarah kī

is baar khilā hai gul-e-tar aur tarah kā

is baar to jibrīl-e-ma.ānī ko milā izn

is baar jalā lafz kā par aur tarah kā

is bar hua kun ka asar aur tarah ka

is bar hai imkan-e-bashar aur tarah ka

is bar madine hi mein dar aaya tha kufa

is bar kiya hum ne safar aur tarah ka

is bar na asbab na chadar pe nazar thi

is bar tha luTne ka KHatar aur tarah ka

is bar koi aib koi aib nahin tha

is bar kiya hum ne hunar aur tarah ka

is bar koi KHair ka talib hi nahin tha

is bar tha andesha-e-shar aur tarah ka

is bar chali baad-e-sumum aur tarah ki

is bar khila hai gul-e-tar aur tarah ka

is bar to jibril-e-maani ko mila izn

is bar jala lafz ka par aur tarah ka