is be tulua shab mein kya talea-azmai

is be tulūa shab meñ kyā tāle.a-āzmā.ī

ḳhurshīd laakh ubhre lekin sahar na aa.ī

kab tak fareb-e-jāda kab tak ġhubār-e-manzil

ai dard-e-nā-tamāmī ai ranj-e-nārsā.ī

har gul kā chaak siina gulzār āfrīnā

ab ke ajab ḳhazīna terī bahār laa.ī

sāhil pe ḳhema-kash haiñ āsūdgān-e-sāhil

tūfān kar rahe haiñ kashtī kī nā-ḳhudā.ī

har aah kah rahī hai ik dard kā fasāna

har ashk likh rahā hai ik qissa-e-judā.ī

sahbā kahāñ hai yaaro koī use pukāro

vīrān ho rahā hai kunj-e-ġhazal-sarā.ī

is be tulua shab mein kya talea-azmai

KHurshid lakh ubhre lekin sahar na aai

kab tak fareb-e-jada kab tak ghubar-e-manzil

ai dard-e-na-tamami ai ranj-e-narsai

har gul ka chaak sina gulzar aafrina

ab ke ajab KHazina teri bahaar lai

sahil pe KHema-kash hain aasudgan-e-sahil

tufan kar rahe hain kashti ki na-KHudai

har aah kah rahi hai ek dard ka fasana

har ashk likh raha hai ek qissa-e-judai

sahba kahan hai yaro koi use pukaro

viran ho raha hai kunj-e-ghazal-sarai