is chhoTe se shahr mein kab tak chhupa rahega aaKHir wo

is chhoTe se shahr meñ kab tak chhupā rahegā āḳhir vo

yahīñ kahīñ pe Dhātā hogā koī nayā man mandir vo

aag sī ḳhaslat havā tabī.at bas ye hī ausāf bache

paanī miTTī jaise bhuul ke aaya kahāñ anāsir vo

nā-mumkin thā ham donoñ meñ kārobār mohabbat kā

merā thā īmān vafā par aur vafā kā tājir vo

donoñ apnī apnī riit nibhāne par majbūr hue

maiñ ik peḌ thī jaise rasta bhūlā ek musāfir vo

ā.īne be-aib sabhī the lekin phir bhī toḌ gayā

ye āsāñ thā apne naqsh badalne se thā qāsir vo

luuT ke jo le jaa.eñ bastī un ko luuTe tanhā.ī

apne ghar se ik din ho jā.egā 'nūr' muhājir vo

is chhoTe se shahr mein kab tak chhupa rahega aaKHir wo

yahin kahin pe Dhata hoga koi naya man mandir wo

aag si KHaslat hawa tabiat bas ye hi ausaf bache

pani miTTi jaise bhul ke aaya kahan anasir wo

na-mumkin tha hum donon mein karobar mohabbat ka

mera tha iman wafa par aur wafa ka tajir wo

donon apni apni rit nibhane par majbur hue

main ek peD thi jaise rasta bhula ek musafir wo

aaine be-aib sabhi the lekin phir bhi toD gaya

ye aasan tha apne naqsh badalne se tha qasir wo

luT ke jo le jaen basti un ko luTe tanhai

apne ghar se ek din ho jaega 'nur' muhajir wo