is dasht-e-halakat se guzar kaun karega

is dasht-e-halākat se guzar kaun karegā

be-amn ḳharāboñ meñ safar kaun karegā

ḳhurshīd jo Dūbeñge ubharne hī se pahle

is tīrgī-e-shab kī sahar kaun karegā

chhin jaa.eñ sar-e-rāh jahāñ chādareñ sar kī

us zulm kī nagrī meñ basar kaun karegā

jis daur meñ ho be-hunarī vaj.h-e-siyādat

us daur meñ tash.hīr-e-hunar kaun karegā

uḌ jā.eñge jañgal kī taraf saare parinde

mīnāra-e-larzāñ pe basar kaun karegā

is ḳhauf-e-musalsal meñ guzar hogī to kyūñkar

suulī pe har ik raat basar kaun karegā

muzhda mujhe jiine kā bhalā kis ne diyā thā

mujh ko mire marne kī ḳhabar kaun karegā

is dasht-e-halakat se guzar kaun karega

be-amn KHarabon mein safar kaun karega

KHurshid jo Dubenge ubharne hi se pahle

is tirgi-e-shab ki sahar kaun karega

chhin jaen sar-e-rah jahan chadaren sar ki

us zulm ki nagri mein basar kaun karega

jis daur mein ho be-hunari wajh-e-siyaadat

us daur mein tashhir-e-hunar kaun karega

uD jaenge jangal ki taraf sare parinde

minara-e-larzan pe basar kaun karega

is KHauf-e-musalsal mein guzar hogi to kyunkar

suli pe har ek raat basar kaun karega

muzhda mujhe jine ka bhala kis ne diya tha

mujh ko mere marne ki KHabar kaun karega