is daur mein bhi radd-e-shaqawat hun mere dost

is daur meñ bhī radd-e-shaqāvat huuñ mire dost

maiñ sayyad-o-sālār-e-baġhāvat huuñ mire dost

maqtal meñ bhī āvāza-e-haq detā rahā huuñ

neze pe bhī masrūf-e-tilāvat huuñ mire dost

be-laus huuñ maiñ qāsim-e-iḳhlās-o-vafā huuñ

yuuñ mauj-e-saḳhā bahr-e-saḳhāvat huuñ mire dost

maiñ guft-e-junūñ-sāz huuñ yā jazb-e-junūñ huuñ

yā dasht-navardoñ kī kahāvat huuñ mire dost

ik baar suno to sahī mujh shīrīñ-dahan ko

ras gholtī āvāz halāvat huuñ mire dost

jis chashm-e-gul-e-tar ne kiyā mujh ko namīda

us chashm-e-gul-e-tar kī tarāvat huuñ mire dost

sāzish kisī kiine kī panapne nahīñ dūñgā

tā-'umr yahāñ zidd-e-'adāvat huuñ mire dost

is shahr meñ sāñpoñ kā baserā hai so 'mīsam'

is shahr-e-balā-ḳhez se jāvat huuñ mire dost

is daur mein bhi radd-e-shaqawat hun mere dost

main sayyad-o-salar-e-baghawat hun mere dost

maqtal mein bhi aawaza-e-haq deta raha hun

neze pe bhi masruf-e-tilawat hun mere dost

be-laus hun main qasim-e-iKHlas-o-wafa hun

yun mauj-e-saKHa bahr-e-saKHawat hun mere dost

main guft-e-junun-saz hun ya jazb-e-junun hun

ya dasht-nawardon ki kahawat hun mere dost

ek bar suno to sahi mujh shirin-dahan ko

ras gholti aawaz halawat hun mere dost

jis chashm-e-gul-e-tar ne kiya mujh ko namida

us chashm-e-gul-e-tar ki tarawat hun mere dost

sazish kisi kine ki panapne nahin dunga

ta-'umr yahan zidd-e-'adawat hun mere dost

is shahr mein sanpon ka basera hai so 'misam'

is shahr-e-bala-KHez se jawat hun mere dost