is dil ki imarat mein tum jalwa dikha jaana

is dil kī imārat meñ tum jalva dikhā jaanā

yā nūr-e-mubīñ ban kar āñkhoñ meñ samā jaanā

apnā to shikasta-dil ik ḳhāna-e-vīrāñ hai

qadmoñ se ise apne ābād banā jaanā

ushshāq ke marqad par hasrat yahī kahtī hai

tum fitna-e-mahshar ho sotoñ ko jagā jaanā

un ḳhāk-nashīnoñ se milnā tumheñ lāzim hai

ushshāq ke kūche meñ bhūle se tū aa jaanā

muddat se piyāsā maiñ baiThā huuñ tire dar par

ik jaam mohabbat kā ḳhud aa ke pilā jaanā

is gardish-e-qismat ne sar-gashta kiyā yaañ bhī

ai ḳhizr-e-rah-e-ulfat tum raah batā jaanā

aa.e na sar-e-bālīñ gar mere dam-e-murdan

ab bahr-e-duā dilbar marqad pe to aa jaanā

kyā kyā na jafā mujh pe hotī hai shab-e-furqat

ulfat ne tirī mujh ko pāband-e-vafā jaanā

ye ishq 'jamīla' kā ai ḳhizr-e-rah-e-ulfat

mahbūb ke jalve ko asrār-e-ḳhudā jaanā

is dil ki imarat mein tum jalwa dikha jaana

ya nur-e-mubin ban kar aankhon mein sama jaana

apna to shikasta-dil ek KHana-e-viran hai

qadmon se ise apne aabaad bana jaana

ushshaq ke marqad par hasrat yahi kahti hai

tum fitna-e-mahshar ho soton ko jaga jaana

un KHak-nashinon se milna tumhein lazim hai

ushshaq ke kuche mein bhule se tu aa jaana

muddat se piyasa main baiTha hun tere dar par

ek jam mohabbat ka KHud aa ke pila jaana

is gardish-e-qismat ne sar-gashta kiya yan bhi

ai KHizr-e-rah-e-ulfat tum rah bata jaana

aae na sar-e-baalin gar mere dam-e-murdan

ab bahr-e-dua dilbar marqad pe to aa jaana

kya kya na jafa mujh pe hoti hai shab-e-furqat

ulfat ne teri mujh ko paband-e-wafa jaana

ye ishq 'jamila' ka ai KHizr-e-rah-e-ulfat

mahbub ke jalwe ko asrar-e-KHuda jaana