is dil ko agar tera sahaara nahin milta

is dil ko agar terā sahārā nahīñ miltā

qismat ko koī chāñd sitāra nahīñ miltā

gherā hai kisī ḳhauf ne is tarah se dil ko

miltā hai jo ik baar dobāra nahīñ miltā

kuchh tum bhī mohabbat meñ ho taqdīr ke qaa.el

kuchh mujh ko bhī chalne kā ishāra nahīñ miltā

yuuñ Duub gayā huuñ tirī āñkhoñ ke bhañvar meñ

ab mere safīne ko kināra nahīñ miltā

kirdār haiñ tabdīl kahānī to vahī hai

afsāne meñ ab naam hamārā nahīñ miltā

dīpak kī tarah shaam se ham jalne lage haiñ

is aag kā par koī sharāra nahīñ miltā

'shākir' tirī qismat meñ haiñ be-kār sadā.eñ

jis shaḳhs ko bhī tū ne pukārā nahīñ miltā

is dil ko agar tera sahaara nahin milta

qismat ko koi chand sitara nahin milta

ghera hai kisi KHauf ne is tarah se dil ko

milta hai jo ek bar dobara nahin milta

kuchh tum bhi mohabbat mein ho taqdir ke qael

kuchh mujh ko bhi chalne ka ishaara nahin milta

yun Dub gaya hun teri aankhon ke bhanwar mein

ab mere safine ko kinara nahin milta

kirdar hain tabdil kahani to wahi hai

afsane mein ab nam hamara nahin milta

dipak ki tarah sham se hum jalne lage hain

is aag ka par koi sharara nahin milta

'shakir' teri qismat mein hain be-kar sadaen

jis shaKHs ko bhi tu ne pukara nahin milta