is dil ko ham-kanar kiya humne kya kiya

is dil ko ham-kanār kiyā ham ne kyā kiyā

dushman ko dost-dār kiyā ham ne kyā kiyā

rahtā yahī hai dil meñ shash-o-panj-e-yār se

ā.īna kyuuñ do-chār kiyā ham ne kyā kiyā

muTThī bharam kī ġhuncha-sifat is chaman meñ khol

asrār āshkār kiyā ham ne kyā kiyā

dar-parda dostī huī ham apne haq meñ aah

mutrib-pisar ko yaar kiyā ham ne kyā kiyā

islām bhī ba-jabr thā ai shaiḳh-o-barhaman

kyuuñ jabr iḳhtiyār kiyā ham ne kyā kiyā

tasbīh to paḌī thī gale ek dūsrī

zunnār ko bhī haar kiyā ham ne kyā kiyā

dil ko dukhā ke chīn-e-jabīn-e-parī-vashāñ

juuñ barq be-qarār kiyā ham ne kyā kiyā

kahne lagā vo qabr pe āshiq kī kyuuñ guzar

sahvan sar-e-mazār kiyā ham ne kyā kiyā

haihāt āshnā the jo mauj-e-balā ke pech

un kā na intizār kiyā ham ne kyā kiyā

bahr-e-jahāñ se dīda-o-dānista juuñ hubāb

bā-chashm-e-tar guzār kiyā ham ne kyā kiyā

dasht-e-junūñ se toḌ ke rishte ko jeb ke

dāmāñ bhī taar kiyā ham ne kyā kiyā

us sarv-qad ke ishq meñ ye phal milā 'nasīr'

har sad aah vaar kiyā ham ne kyā kiyā

is dil ko ham-kanar kiya hum ne kya kiya

dushman ko dost-dar kiya hum ne kya kiya

rahta yahi hai dil mein shash-o-panj-e-yar se

aaina kyun do-chaar kiya hum ne kya kiya

muTThi bharam ki ghuncha-sifat is chaman mein khol

asrar aashkar kiya hum ne kya kiya

dar-parda dosti hui hum apne haq mein aah

mutrib-pisar ko yar kiya hum ne kya kiya

islam bhi ba-jabr tha ai shaiKH-o-barhaman

kyun jabr iKHtiyar kiya hum ne kya kiya

tasbih to paDi thi gale ek dusri

zunnar ko bhi haar kiya hum ne kya kiya

dil ko dukha ke chin-e-jabin-e-pari-washan

jun barq be-qarar kiya hum ne kya kiya

kahne laga wo qabr pe aashiq ki kyun guzar

sahwan sar-e-mazar kiya hum ne kya kiya

haihat aashna the jo mauj-e-bala ke pech

un ka na intizar kiya hum ne kya kiya

bahr-e-jahan se dida-o-danista jun hubab

ba-chashm-e-tar guzar kiya hum ne kya kiya

dasht-e-junun se toD ke rishte ko jeb ke

daman bhi tar kiya hum ne kya kiya

us sarw-qad ke ishq mein ye phal mila 'nasir'

har sad aah war kiya hum ne kya kiya