aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

is dil mein agar jalwa-e-dil-dar na hota

Shah Aasim

is dil mein agar jalwa-e-dil-dar na hota

Shah Aasim

MORE BYShah Aasim

    is dil meñ agar jalva-e-dil-dār na hotā

    zinhār ye dil maz.har-e-asrār na hotā

    hotā na agar jām-e-mai-e-ishq se sarshār

    hargiz dil-e-dīvāna ye hoshyār na hotā

    hotā na agar us mohabbat se sarokār

    ye ġham-zada rusvā sar-e-bāzār na hotā

    hotī na kabhūñ is dil-e-bīmār ko sehhat

    gar lutf-e-masīhā-e-lab-e-yār na hotā

    piitā na agar jām-e-mai-e-ishq to hargiz

    dil sirr-e-haqīqat se ḳhabar-dār na hotā

    hotā na agar ā.īna-e-jalva-e-dildār

    dil mahr-sifat matla-e-anvār na hotā

    hotā na agar ishq ko manzūr ye iz.hār

    vahdat se ye kasrat ko sarokār na hotā

    āgāh haqīqat se na hotā kabhū 'āsim'

    ḳhādim agar faiz madad-gār na hotā

    is dil mein agar jalwa-e-dil-dar na hota

    zinhaar ye dil mazhar-e-asrar na hota

    hota na agar jam-e-mai-e-ishq se sarshaar

    hargiz dil-e-diwana ye hoshyar na hota

    hota na agar us ki mohabbat se sarokar

    ye gham-zada ruswa sar-e-bazar na hota

    hoti na kabhun is dil-e-bimar ko sehhat

    gar lutf-e-masiha-e-lab-e-yar na hota

    pita na agar jam-e-mai-e-ishq to hargiz

    dil sirr-e-haqiqat se KHabar-dar na hota

    hota na agar aaina-e-jalwa-e-dildar

    dil mahr-sifat matla-e-anwar na hota

    hota na agar ishq ko manzur ye izhaar

    wahdat se ye kasrat ko sarokar na hota

    aagah haqiqat se na hota kabhu 'asim'

    KHadim ka agar faiz madad-gar na hota

    Source:

    Deewan-e-Aasim (Pg. 3)

    • Author: Shah Aasim
      • Publisher: Matba Dariya-e-Latafat, Kanpur
      • Year of Publication: 1866
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now