is gosha-e-uzlat mein tanhai hai aur main hun
is gosha-e-uzlat mein tanhai hai aur main hun
Mushafi Ghulam Hamdani
MORE BYMushafi Ghulam Hamdani
is gosha-e-uzlat meñ tanhā.ī hai aur maiñ huuñ
ma.ashūq-e-tasavvur se yakjā.ī hai aur maiñ huuñ
yā ghar se qadam merā bāhar na nikaltā thā
yā shahr kī galiyoñ meñ rusvā.ī hai aur maiñ huuñ
jis dasht meñ naaqe kā guzrā na qadam hargiz
us dasht meñ majnūñ sā saudā.ī hai aur maiñ huuñ
nāseh kī na maiñ mānūñ hamdam kī na kuchh samjhūñ
is ishq-o-mohabbat meñ ḳhud-ārā.ī hai aur maiñ huuñ
har-chand junūn-e-ishq hotā hai ḳhirad-dushman
ai 'mus.hafī' is par bhī dānā.ī hai aur maiñ huuñ
is gosha-e-uzlat mein tanhai hai aur main hun
mashuq-e-tasawwur se yakjai hai aur main hun
ya ghar se qadam mera bahar na nikalta tha
ya shahr ki galiyon mein ruswai hai aur main hun
jis dasht mein naqe ka guzra na qadam hargiz
us dasht mein majnun sa saudai hai aur main hun
naseh ki na main manun hamdam ki na kuchh samjhun
is ishq-o-mohabbat mein KHud-arai hai aur main hun
har-chand junun-e-ishq hota hai KHirad-dushman
ai 'mushafi' is par bhi danai hai aur main hun
- Book : kulliyat-e-mas.hafii (Pg. 174)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
